BALEGHE

BALEGHE

Mwanzoni mwa kipindi cha ujana hutokea mabadiliko makubwa na ya kina ambapo  nguvu za kimwili na kiroho hufunguka. Si hivyo tu, bali katika kipindi hiki ndani ya akili ya mwanadamu huchomoza matarajio na fikra mpya na kumwonesha kuwa anayo hadhi inayowavutia wengine kushirikiana naye.

Bila shaka kuanzia hapo mtu huyu hukataa kuwa (mwenye) kufuata tu, ambapo sasa hutafuta uhuru katika mambo yake binafsi na katika maamuzi yake anayoyachukua. Hali hiyo humaanisha kuwa amefikia kipindi cha Baleghe na kuwa anataka kuchagua njia moja baina ya njia nyingi mbali mbali.

Na njia hii ni ile itakayo mfikisha kwenye wema wake binafsi, kama ambavyo ni wajibu wake binafsi kuichagua njia hiyo, kwani katika bahari hii yenye wingi wa fikra zinazo gongana huenda akajikuta anamhitajia (mwanachuoni) atakayemsaidia kumuongoza na kumvusha Salama na kumfikisha ufukweni kwa amani.

Basi ndani ya kipindi hiki, huruma ya Mwenyeezi Mungu humfunika na rehema humteremkia kwa msaada wa ujumbe, hapo ni bora kijana akisome sana kitabu cha Mwenyezi Mungu ili kiwe muongozo wake.

Kwa hali hii basi, mara atajikuta anahisi furaha na kuingia katika mazingira mazuri hali ya kuwa uso wake ni wenye nuru na huku ulimi wake ukimhimidi na kumshukuru (Mola) juu ya yale aliyoelezwa na kule kufikia kipindi cha kuwajibika kisharia.

Hakika Baleghe ni kitabu cha habari na matendo ambacho ni lazima kukihifadhi ili nuru yake idumu na usafi wa kurasa zake uendelee mpaka mwisho wa uhai. Hakika siku ya kubaleghe ndiyo siku ambayo Malaika wana haki ya kukaa kushotoni na kuliani: “Hatamki neno ila karibu yake yupo mwangalizi tayari.” Na hali ya kuwa kauli ya Mwenyezi Mungu inamjumuisha inasema: “Enyi Mlioamini…..”

Hapa ni lazima kijana aongeze juhudi katika dini kwa sababu hukumu za Allah zinambana na akitenda jema hulipwa na pia akitenda uovu atalipwa kwa hilo.