KIFO CHA BI FATUMA BINT RASULULLAH (A.S)

KIFO CHA BI FATUMA BINT RASULULLAH (A.S)

Baada ya uislamu kukamilika kwa kutangazwa imam Ally kuwa khalifa wa kwanza kuongoza Uislam pindi tu Mtume atakapofariki, mtangazaji akiwa ni Mtume Muhammad (s.a.w.w) muda mfupi baada ya hija walipofika eneo la Ghadeer Khum mnamo tarehe 18 Dhulhija mwaka wa 10 Hijria. Hapo Mtume alitangaza bayana kuwa yeyote yule anayeamini kuwa yeye Mtume ni kiongozi wake na Ally pia ni kiongozi wake, kisha lilijengwa hema na Masahaba wakaagizwa watoe mkono wa utii (baia) kwa imam Allh (a.s).

Mtume aliporejea tu Madina alianza kuugua, binti yake Fatuma, Imam Ally na wajukuu zake yaani Imam Hassan, Imam Hussein, bi Zainabu na Ummu Kulthum walikuwa mstari wa mbele katika kumuuguza.

Siku moja Mtume alimwambia binti yake kuwa anakaribia kufa na kwamba Fatuma atamfuatia mara moja kutokana na hujuma na mateso atakayo yapata toka kwa baadhi ya Masahaba wake.

Abdallah bin Abasi (r.a) anahadithia kuwa wakati Mtume alipokaribia kufa, alilia sana kiasi cha kulowesha ndevu zake zote kwa machozi. Alipoulizwa analilia nini, Mtume alijibu ninalilia kizazi (Ahlulbayt) changu, kutokana na dhuluma na mateso watakayofanyiwa na baadhi ya masahaba wake pindi tu atakapofariki dunia. (Buharul Anwar Juzu ya kumi).

Mtume alifariki pindi alipokuwa anazungumza na familia yake niliyoitaja hapo juu. Familia nzima ilihuzunika sana na kulia kweli kweli.

Waislamu walikusanyika msibani (msikitini) lakini wakamkuta Omar bin Khatab ambaye aliwatisha kwa kuwaambia kuwa Mtume hakufa na hatokufa mpaka wanafiki waishe, yeyote atakayesema kuwa Mtume kafa atamchinja mara moja. Waislamu wakatawanyika na kurudi makwao.

Hapo ndipo baadhi ya masahaba wapenda madaraka walipokusanyika katika ukumbi wa Saqifa Bani Sa’dah kuchaguana ili kumpindua imam Ally toka kwenye cheo chake cha ukhalifa. Kwa kulazimishwa na Omar bin Khatab kwa kutishiwa kuchinjwa, hatimaye rafiki yake yaani Abubakar akapewa ukhalifa.

Habari hizi zilimfikia Fatuma ambapo alishituka sana kutokana na mapinduzi hayo na akajaribu kuwashawishi watu wamuunge mkono yeye pamoja na mme wake. Lakini watu wengi walimkatalia wakiogopa kuuawa na Umar bin Khatab. Fatuma alilia sana mpaka Imam Ally alimjengea nyumba maalumu (bait ul Huzn) ili aweze kupata faragha anapoomboleza kifo cha baba yake na pia akumbukapo dhulma za Masahaba dhidi ya Ahlulbayt.

Baada ya kunyakua madaraka, Abubakar alifanya dhulma yake ya kwanza kwa kutangaza kuwa mitume hawarithiwi na kwamba mali waziachazo ni za waislamu wote. Hii ni kinyume na Qur’an inayobainisha kuwa kila mtu anarithiwa na warithi wake na pia Qur’an inathibitisha kuwa hata mitume wanarithiwa pale ambapo imeandikwa kuwa Seleman alimrithi baba yake Daudi. Kila mwislamu anajua kuwa Daudi ni Mtume na Selemani pia ni Mtume. Kama Daudi alirithiwa kwa nini Mtume asirithiwe na mtoto wake wa pekee. Lakini ni kinyume na Uislamu mkwe kupora mirathi ya mjukuu wake hata kama hakuzaliwa na binti yake.

Ni siku hiyo hiyo ndipo Abubakar aliagiza jeshi lake likiwa chini ya Umar bin Khatab kwenda kuwakusanya waislamu kwa lazima na kuwalazimisha watoe mkono wa utii kwake. Kazi hii ya kuwalazimisha watu ilifika mpaka kwa Imam Ally (a.s) ambapo walifanya vitisho kwa siku kadhaa, hatimaye Umar alikwenda kumalizia kazi pale alipokwenda ni moto na kuinguza nyumba ya Ally na bi Fatumah ambapo bi Fatuma alijeruhiwa na majaraha hayo ndiyo yaliyopelekea kifo chake miezi miwili tu baada ya kifo cha baba yake.

 Innalillahi wainna ilayhi rajiuun.

Tunamwomba Allah awalaani wote walioshiriki kumdhulumu bibi huyu Mtukufu.